Kári Stefánsson, forstjóri Íslenskrar erfðagreiningar, hefur ekki áform uppi um að rukka ríkið fyrir skimanir á landamærum í því skyni að gefa íslensku þjóðinni Farsóttastofnun Íslands. Björn Ingi Hrafnsson, kenndur við Viljann, sagði frá því í Kastljósi Ríkisútvarpsins, að í nýrri bók hans um Covid 19 kæmi þetta fram. Björn Ingi sagði Kára ætla að leggja stofnuninni til fjármagn og tækjakost. Þá sagði Björn Ingi að Kári hygðist tryggja stofnunni aðgang að færustu vísindamönnum heims.
Kári Stefánsson þvertók fyrir þetta í seinni fréttum Sjónvarpsins en kannaðist við hafa nefnt þetta í stráksskap og að einungis hefði verið um að ræða kaffistofuspjall. Þá sagði hann ekkert liggja fyrir um að fyrirtæki sitt myndi rukka fyrir skimanir á landamærunum og upphæðir á borð við tvo milljarða króna fyrir viðvikin væru fráleitar.
Bók Björns Inga, Vörn gegn veiru, kemur út á föstudag. Höfundurinn er þekktur fyrir að hafa setið alla fundi þríeykisins svonefnda.