Marbella-kjúklingur er vel þekktur réttur víða um heim og margir halda að hann sé ættaður frá Miðjarðarhafinu en í raun er frá Bandaríkjunum og talið að hann hafi verið fundinn upp á áttunda áratugnum í Upper West Side hverfinu í New-York.
Þessi rétttur er einstaklega skemmtilegur og tilvalinn til að hafa í kvöldmatinn þegar fólk er að koma á misjöfnum tímum í mat, þar sem rétturinn er góður við stofuhita. Marbella-kjúklingur er líka tilvalinn á hlaðborð t.d. í afmæli eða veislur.
Marbella-kjúklingur
fyrir 4
3 kjúklingabringur
gróft sjávarsalt
nýmalaður svartur pipar
olía til steikingar
⅔ dl rauðvínsedik
⅔ dl ólífuolía
1 . dl hvítvín
1 . dl púðursykur
u.þ.b. 70 g sveskjur, skornar í tvennt
u.þ.b. 70 g þurrkaðar apríkósur,
skornar í tvennt
60 g granar ólífur, saxaðar gróft
40 g kapers, látið fylgja með 1-2
tsk. af vökvanum
3-4 hvítlauksgeirar, fínt saxaðir
2 msk. þurrkað oregano
hnefafylli fersk steinselja
Skerið kjúklingabringurnar í stóra bita og stráið salti og pipar yfir. Hitið olíu á pönnu og steikið bitana þar til þeir eru eldaðir í gegn, ekki of lengi því þá er hætt við að kjúklingurinn verði of þurr. Setjið til hliðar. Setjið restina af hráefnunum, nema steinselju, saman í pott og hitið að suðu, látið sjóða í 1-2 mín. Takið af hitanum og látið kólna aðeins. Setjið kjúklinginn saman við löginn, gjarnan í glerskál eða plastpoka og látið standa í kæli yfir nótt. Takið úr kæli tímanlega áður en rétturinn er borinn fram þannig að hann nái stofuhita og sé ekki of kaldur, eins má velgja hann aðeins í ofni. Berið fram með góðu salati og gjarnan hrísgrjónum.
Uppskrift: Kristín Dröfn Einarsdóttir
Stílisti: Ólöf Jakobína Ernudóttir
Mynd: Heiðdís Guðbjörg Gunnarsdóttir