Ugla Stefanía Kristjönudóttir Jónsdóttir, formaður samtakanna Trans Ísland, játar að vissulega geti verið þreytandi að uppfræða í sífellu og reyna að leiðrétta rangfærslur og fordóma. Hins vegar sé gefandi að sjá þá framför sem á sér stað í samfélaginu hvað varði réttindi og stöðu trans fólks.
„Fólk gleymir því, held ég, oft að trans fólk er líka bara fólk sem hefur mismunandi áhugamál, er í námi, er að vinna eða er að sinna ástríðu sinni. Við erum bara eins og annað fólk og líf okkar snýst ekki að öllu leyti um það að vera trans,“ segir hán.
„Ef samfélagið væri opnara og það væri sjálfsagðara að vera trans myndi í raun rosa lítill hluti lífs okkar snúast um það. Það er aðallega út af samfélaginu sjálfu sem stór hluti okkar lífs þarf að snúast um það, því við þurfum að standa í því að vera sífellt að berjast gegn fordómum og skilningsleysi.“
Lestu viðtalið við Uglu í heild sinni.
Mynd / Sharon Kilgannon / Instagram