Orðrómur
Agnes Sigurðardóttir, biskup Íslands, glímir við fjölmörg vandamál sem ýmist beinast að störfum hennar eða annarra kirkjunnar þjóna. Á meðal heittrúaðra heyrist það sjónarmið að Guð ætti að hjálpa biskupnum. Helsti aðstoðarmaður Agnesar er Pétur Markan, upplýsingafulltrúi og fyrrverandi sveitarstjóri, sem annast hliðvörslu fyrir biskupinn og er sá ráðgjafi sem hefur hvatt til djarfra ákvarðana eins og þeirrar að afskræma Jesú og setja hann utan á Strætó.
Pétur þykir vera lipur í samskiptum og vel máli farinn. Þegar Mannlíf hefur óskað eftir viðbrögðum biskups hefur Pétur lofað viðbrögðum við fyrsta tækifæri. Þetta hafa reynst marklaus loforð en framan af var talið að Pétur væri að halda hvíldardagana heilaga og því seinn til. En þrátt fyrir eftirfylgni vikum saman hefur biskupinn engu svarað um jesúbrjóst, ofsóttan útfararstjóra, brottrekstur prests, eða meint einelti innan kirkjunnar. Komið er á daginn að lítið er að marka Markan og kristilegum sannleikanum og upplýsingaskyldunni er ábótavant …