Sautján nemendur létust og að minnsta kosti fjórtán slösuðust þegar hinn nítján ára Nikolas Cruz hóf skothríð í skólanum Marjory Stoneman Douglas í Flórída fyrir stuttu.
Þessi harmleikur hefur enn og aftur vakið upp margar spurningar varðandi byssulöggjöf í Bandaríkjunum og var til dæmis haldinn mótmælafundur í Fort Lauderdale um helgina þar sem löggjöfinni var mótmælt. Emma Gonzales lifði af skotárásina og hélt áhrifamikla ræðu á fundinum en ræða hennar hefur farið eins og eldur um sinu á internetinu.
„Hver einasta manneskja hér í dag ætti að vera heima að syrgja. En í staðinn erum við hér saman því ef ríkisstjórnin okkar og forseti geta bara sent góðar hugsanir og beðið fyrir fórnarlömbunum þá er kominn tími til að fórnarlömbin breyti því sem þarf að breyta,“ sagði Emma á fundinum og uppskar mikið lófatak.
Hún hélt áfram og sagðist vera fullviss um að hún og skólafélagar hennar yrðu tekin fyrir í sögubókunum. En ekki bara í tölfræði um skotárásir í Bandaríkjunum heldur út af þeirri von hennar að þau yrðu fórnarlömb síðustu skotárásarinnar þar vestan hafs. Svo hafði hún sterk skilaboð til forseta Bandaríkjanna, Donalds Trump, og annarra stjórnmálamanna sem þiggja greiðslur frá Landssambandi byssueiganda (NRA):
„Skammist ykkar!“
Emma er orðin eins konar hetja á samfélagsmiðlum og hafa fjölmargir deilt ræðu hennar í von um að breyta lögunum. Hér fyrir neðan má sjá nokkur tíst um hina hugrökku Emmu:
If you told me that there would be a day when a high school student could beat the US President in a debate, I would have called you crazy.
Then Emma Gonzalez spoke.
— Ed Krassenstein (@EdKrassen) February 18, 2018
I’m joining whatever political party Emma Gonzalez just created.
— Aaron (@AaronDunlap72) February 18, 2018
Does anyone know how to get in touch with Emma Gonzalez? https://t.co/e9qr1evKAn
— Demi Lovato (@ddlovato) February 18, 2018
YESSSSS EMMA GONZALEZ!!!!!!! Thank you for your voice, and for your bravery and honesty while using it✊? https://t.co/7y7Su02uSz
— Zendaya (@Zendaya) February 17, 2018
Emma Gonzalez for President. https://t.co/kzCV3fhb1R
— Lisa Bloom (@LisaBloom) February 18, 2018
Texti / Lilja Katrín
[email protected]