Andrea Hauksdóttir listakona lýsir á Twitter löngu strögli hennar við meðleigjenda sinn. Þráður hennar hefur vakið athygli enda hljóma lýsingar hennar eins og hún búi með meðleigjanda frá helvíti. Hún segist ekki leggja það í vana sinn að bjóða fólki birginn svo í almenningsrými en hún hafi einfaldlega fengið sig fullsadda.
Hún hefur deilt vandræðum sínum með almenningi um nokkurt skeið en steinninn hafi tekið út í gær. Þá hafi hann birt mynd á samfélagsmiðlum sem einkenndist af kvenhatri og tilraun til að niðurlægja hana. Myndin átti að sýna hana þrífa „vitlaust“. Andrea deilir þeirri mynd og skrifar:
„Ég er svo reið að ég titra. Updeit á meðleigjanda ævintýrum:
Hann fellst á að skiptast á verkum. Búin að biðja hann um sama hlutinn í 3 daga sem hefur ekki verið gert. “Já þú þrífur, en ég þríf betur en þú”
– Gerðu það þá. Oftar. Gerðu það einhverntíman”.
Hún lýsir málinu öllu svo í þræði í morgun: „Bara svona til hliðsjónar: ég legg það ekki í vana minn (það til ég skrifaði greinina) að confronta karlmenn beint á samfélagsmiðlum. En ég er bara komin með upp. í. kok. Ég reyndi að tala við hann. Oft. Sendi honum 3-4 skilaboð, sem voru mjög dipló og vel meinandi,“ lýsir Andrea.
Hún segir viðbrögðin hafa verið óþolandi. „Hann seenar það bara, ignorar mig, lætur sig hverfa í sólarhring og kemur svo aftur og lætur eins og ekkert hafi í skorist. Svo heldur hann bara áfram með niðurlægjandi aðfinnslur, mansplaining, ég ANDA vitlaust (án gríns), ég er svo vitlaus og “hann þarf sko að kenna mér”,“ segir Andrea.
Hún segist ítrekað hafa reynt að mæta honum á miðri leið. „Ég sendi honum MJÖG dipló bréf þar sem ég sagði að ég vildi ekki búa með einhverjum sem greinilega hatar mig og finnur fyrir þörf til að breyta mér, við gætum bæði fundið fólk sem okkur semur betur við. Bað hann um að gefa mér ca tímafrest sem hann þyrfti til að finna annað,“ segir Andrea.
Hún segir að þá hafi hann hundsað sig. „Ignore. Ég ýti á hann með að svara mér, confronta að hann geri þetta alltaf, og bið hann aftur um dagsetningu. Hann segir að ég sé sjúk og kunni ekki að skammast mín. Mjög gott, mjög gott.“
Hún segir leigusala þeirra beggja standa með sér. „Sem betur fer er leigusalinn minn frábær, og er kominn með lögmann í málið til að koma honum út. En málið er: ef svona gaurar fá aldrei skell, tala, bessevissera & manipulera allt og alla í kaf, þá fá þeir aldrei séns á að breytast. Og ég nenni ekki að búa með þeim. Bless.“
Frásögn hennar er þó ekki lokið. „Ah já gleymdi: Sagði honum frá að ég hefði talað við hans fyrrv, vinkonu hennar, fjölskylduna mína og eytt heilum tíma hjá sálfræðingnum í að ræða hann og hvernig hegðunin hans er viðbjóður “ÞAU HAFA ÖLL RANGT FYRIR SÉR! ÉG ÞARF AÐ SEGJA ÞÉR OG SÝNA HVAÐ ÞÚ ERT FAKE OG HEIMSK”,“ lýsir Andrea og segir að lokum:
„Ég að vera fake, er ss ég að nota insta story til að tala um að ég sé að hætta að drekka kaffi, byrja aftur að hlaupa – eh svona hópeflis-pepp/líða vel í Covid að hvetja mig og aðra því það eru allir að molna. Nei. Það má ekki. Það er bannað að ná sér upp úr þunglyndi Pouting face FAKE!!!“
Ég er svo reið að ég titra. Updeit á meðleigjanda ævintýrum:
Hann fellst á að skiptast á verkum. Búin að biðja hann um sama hlutinn í 3 daga sem hefur ekki verið gert. “Já þú þrífur, en ég þríf betur en þú”
– Gerðu það þá. Oftar. Gerðu það einhverntíman”.Næsta move: pic.twitter.com/kkG1O4KZxV
— Andrea Hauksdóttir (@andreahauks) November 22, 2020