Doktor Ólína Þorvarðardóttir stendur í ströngu vegna bókar sinnar, Spegill fyrir Skugga Baldur. Björn Bjarnason, fyrrverandi ráðherra, hefur í nikkrum greinum gagnrýnt Ólínu fyrir að hafa sagt að faðir hans, Bjarni Benediktsson, þáverandi ráðherra, hefði haft áhrif í þá veru að Nóbelsskáldið Halldór Kiljan Laxness fékk ekki bækur sínar útgefnar í Bandaríkjunum. Hannes Hólmsteinn Gissurarson prófessor blandaði sér í málin og áminnti Ólínu fyrir að fara ekki vel með heimildir. Enhverjir muna að Hannes lenti sjálfur í ógöngum þegar hann lét ógert að setja gæsalappir utan um texta sem hann tók frá skáldinu. Ólína hjólaði í Hannes á Facebook. „… Annars þarft þú ekki að kenna mér heimildanotkun Hannes, því ég kann að gera greinarmun á frumheimildum, mínum eigin niðurstöðum og annarra ólíkt sumum sem hafa blandað sér í þessa umræðu. Ég kann líka að gera greinarmun á ályktunum og staðreyndum,“ skrifaði hún af miskunnarleysi. Ekki er ólíklegt að ritdeildan haldi áfram af hörku …