Það er mikið að gera hjá okkur öllum í desember og erfitt að komast hjá því að fara í hin og þessi boð, sama hvað COVID líður, með tilheyrandi vökum fram eftir og ofáti. Er það furða að margir séu uppgefnir þegar hátíðin loksins gengur í garð? Hér eru hins vegar nokkrar góðar leiðir til að koma í veg fyrir magaverki, þreytta fætur og höfuðverki á aðventunni.
Leggðu til altögu við upppþembuna …
Um leið og við breytum vana okkar í mataræði og drykk er alveg líklegt að maginn þrútni og við verðum uppþembd. Ef þú vilt halda magaverkjum í skefjum svo þú komist í jóladressið, prófaðu þá að bæta fæðuna með túrmeriki. Þetta skærappesínugula krydd hefur margvíslegan heilsusamlegan ávinning og er þekkt fyrir bólgueyðandi eiginleika sína. Það hefur líka jákvæð áhrif á meltinguna. Ein rannsókn sýndi að trúrmerik minnkaði einkenni uppþembu og vindgangs í fólki með meltingartruflanir. Í Þýskalandi er túrmeriki ávísað til þeirra sem eiga við meltingarvandamál að stríða.
Haltu fótunum í toppstandi …
Það er getur tekið á að standa við eldavélina og galdra fram hvern veisluréttinn á fætur öðrum. Magnesíumfótabað er frábært fyrir fætur, hjálpar til við að mýkja sára vöðva, minnka bólgur og bæta blóðrásina. Tilvalið eftir að hafa þrammað um á þröngum skóm í heilt kvöld!
Orka fram undir morgun …
Verslunarferðir, eldamennska og endalaust át segja fljótt til sín og ræna okkur orku. Inntaka á B12-vítamíni er frábært orkuskot í þessum annasama mánuði og getur gefið okkur orkuna sem líkaminn þarf á að halda.
Sofðu rótt …
Magnesíum er náttúruleg leið til að ná slökun og ró sem bætir hvíldina og heilsu almennt. Það hefur líka komið í ljós að magnesíum styður við ensímvirkni í líkamanum sem getur hjálpað til við niðurbrot og hreinsun alkóhóls úr líkamanum. Það þýðir að minni líkur er á vanlíðan daginn eftir ef þú hefur verið að fá þér aðeins í tánna klvöldið áður.