- Auglýsing -
Hjördís Rut Sigurjónsdóttir, fyrrverandi fjölmiðlakona, syrgir afa sinn, Hauk Jóhannesson, sem lést nýverið. Henni þykir sárt að gera ekki fylgt honum til grafar á tímum Covid-19.
Hjördís rifjar upp fallegar minningar í færslu á Facebook. Sjálf er hún búsett í Noregi. „Elsku afi. Það er sárt að geta ekki fylgt þér síðasta spölin nema með hjálp tækninnar. En ég ylja ég mér við allar minningarnar, frá fyrri tíð og frá síðustu skiptunum sem við hittumst. Bæði þegar við fjölskyldan komum til þín og þegar ég var á landinu vegna vinnunnar og við náðum góðum stundum saman,“ segir Hjördís og bætir við:
„Eitt sinn í Hallstúni eftir að þú sóttir mig á Landvegamót og svo þegar ég fékk hjá þér gistingu á Selfossi. Allt upp á búið, tími í spjall og móttökurnar svo góðar. Krakkarnir minnast líka heimsóknanna bæði í Hallstún og á Fossveg. Eftir að þau höfðu farið til Íslands eitt sumarið án foreldranna var einn af hápunktunum að hafa sko fengið TVO ísa hjá langafa. Nú ert þú farin yfir í sumarlandið í fang ömmu. Takk fyrir allt og allt elsku afi og góða ferð.“