Uppreisn Friðjóns og kjökur Brynjars

Sjálfstæðisflokkurinn nötrar stafna í milli eftir harða gagnrýni Friðjóns Friðjónssonar, miðstjórnarmanns og trölltryggs Sjálfstæðismanns. Friðjón lýsti því yfir að flokkur hans væri staðnaður undir formennsku Bjarna Benediktssonar. Þetta eru þung orð frá manni sem kemur innan úr kjarna flokksins. Víða má heyra kjökurhljóð flokksbræðranna vegna svikanna. Þeirra á meðal er Brynjar Níelsson alþingismaður, sem þó verður seint kallaður grátgjarn. Flokksbræðurnir mættust í Silfri Egils þar sem Friðjón stóð fast á því að flokkurinn væri staðnaður. Brynjar áminnti hann fyrir að fara opinberlega fram með málið  í stað þess að hvísla því inn á við. Búist er við að Friðjón sé fallinn í ónáð vegna málsins. Skrímsladeild flokksins er þegar komin á stúfana og lætur berast að Friðjón sé á leið í Viðreisn þar sem hann eigi betur heima …