„Rétt eftir heimsókn lögreglunnar og stefnuvottsins í New York hringdi Sigurður Gísli þangað út í Ingibjörgu systur sína og ráðlagði henni að við kæmum heim og játuðum allt; það væri miklu betra að sitja í fangelsi á Íslandi en í Bandaríkjunum,“ segir Jón Ásgeir Jóhannesson athafnamaður í bók sinni Málsvörn sem Einar Kárason rithöfundur skrásetur. Jón Ásgeir er þarna að fjalla um málarekstur slitastjórnar Glitnis árið 2010 hendur sér og Ingibjargar Pálmadóttur, konu sinni. Ljóst er að engir kærleikar eru á milli Jóns Ásgeirs og Sigurðar Gísla Pálmasonar, þrátt fyrir mægðirnar.
Jón Ásgeir var a þessum tíma í Bandaríkjunum ásamt konu sinni og upplýsir að sími hans hafi á umræddu tímabili verið hleraður af lögreglunni. Þess utan segir í bókinni að samtöl lögmanna og skjólstæðinga hafi verið hleruð og tekin upp og jafnvel spiluð upphátt að hópi fólks áheyrandi. Slitastjórn Glitnis náði ekki sínu fram og málinu var seinna vísað frá dómi í Bandaríkjunum.
Í bókinni er farið háðulegum orðum um rannsakandans Evu Joly sem kom upphaflega til landsins að frumkvæði Sigurðar Gísla og mætti í drottningarviðtal í Silfri Egils hjá Agli Helgasyni. Lesa má á milli lína að þarna hafi átt sér stað samblástur gegn Jón Ásgeiri og öðrum útrásarvíkingum sem síðan voru hundeltir. Eva sagði seinna í viðtali við Egil Helgason að hún hafi lagt blessun sína yfir stefnu slitastjórnar Glitnis á hendur Jóni Ásgeiri og félögum hans. Í bókinni er frásögn Kristínar Þorsteinsdóttur, þáverandi starfsmanns Baugs og seinna ritstjóra Fréttablaðsins, af samsæti í sendiráði Noregs þar sem dómsmálaráðherra, fulltrúar lögreglu, ákæruvalds voru mætt. Þar var eitt umræðuefnið, að hennar sögn, hvernig mætti afhausa Baugsgengið“ eða koma því allavega í fangelsi.
Bókin er umdeild og hafa verið tíundaðar rangfærslur í ritdómum Kjarnans og Stundarinnar.