Lokað fyrir Páli

Spenna er að magnast upp í Suðurkjördæmi þar sem Sjálfstæðisflokkurinn hefur boðað til prófkjörs. Áhrifalítill, núverandi leiðtogi flokksins,  Páll Magnússon, á  í vök að verjast vegna þess hann tók afstöðu með Írisi Róbertsdóttir, brotthlaupins Sjálfstæðismanns og felldi þar með meirihlutann í Eyjum Þá þykir lítið hafa kveðið að honum á Alþingi og í kjördæminu þar sem Ásmundur Friðriksson þeytist um þvert og endilegar og tryggir atkvæði. Ásmundur hefur bakland í Eyjum og á fastalandinu og þykir vera einlægur kjördæmapotari. Þá nýtur Vilhjálmur Árnason þingmaður virðingar fyrir dugnað og staðfestu. Báðir eru líklegir til að skjóta leiðtoganum niður listann og loka fyrir Páli. Svo á eftir að koma í ljós hvort sterkur kandídat úr hópi kvenna birtist á sjónarsviðinu en vandinn er sá að Sjálfstæðisflokkurinn er ekki mikið fyrir konur …