- Auglýsing -
Lögreglan handtók fertugan karlmann í nótt í tengslum við andlát manns við Rauðagerði í Reykjavík. Lögreglan er enn á vettvangi að sögn RÚV. Maðurinn sem lést var á sama aldri og sá handtekni en hvorugur þeirra er íslenskur.
Lögreglan var kölluð að húsinu um miðnætti í nótt en samkvæmt tilkynningu var slasaður maður fyrir utan húsið. Það reyndist rétt en endurlífgunartilraunir báru ekki árangur.
„Endurlífgunartilraunir hófust strax á vettvangi og í kjölfarið var maðurinn fluttur á Landspítalann, en var úrskurðaður látinn skömmu eftir komuna þangað. Maðurinn var á fertugsaldri,” segir í tilkynningunni.