Anton Kristinn Þórarinsson, athafnamaður og uppljóstrari, neitar sök í morði Armando Beqiri. Hann var úrskurðaður í vikulangt gæsluvarðhald í gærkvöldi ásamt tveimur öðrum. Fyrir hafði einn verið tekinn en Anton er þó sá eini sem er íslenskur.
RÚV greinir frá því að Anton neitaði sök og kærði ákvörðun um gæsluvarðhald til Landsréttar. Anton er ekki nafngreindur í frétt RÚV en augljóst að um hann er að ræða. Anton er nú í einangrun.
RÚV segir mikinn viðbúnað hafa verið við dómshúsið þegar hann var færður fyrir framan dómara. Hann hafði verið handtekinn í sumarbústað skömmu áður, líkt og Mannlíf greindi frá.
Ekki er langt síðan Anton var afhjúpaður sem uppljóstrari lögreglu en fyrir hafði hann verið umtalaður sem einhvers konar fíkniefnakóngur.
Óljóst er hvort morðið og lekinn tengjast. Heimildir herma þó að það sé ekki tilviljun að þetta gerist um mánuði síðar.
Hér má lesa nánar um Anton og ævi hans.
Myndin hér fyrir neðan er skjáskot af skilaboðum sem Anton ku hafa sent. Óljóst er þó hver er viðtakandinn en líklega er það ekki Armando. Þó er ljóst af skilaboðum að dæma að Anton er að hóta að senda litháenskan mann út af örkinni. Þann sama og var fyrstur manna handtekinn. Fréttablaðið fjallaði um þetta einnig í gær.
