- Auglýsing -
Halla Bergþóra Björnsdóttir, lögreglustjóri á höfuðborgarsvæðinu, var á flótta undan fréttamanninum Jóhanni Bjarna Kolbeinssyni í útvarpshúsinu um helgina. lögreglustjórinn mætti í Silfrið til að ræða flest annað en símtalið fræga á aðfangadag þegar Áslaug Arna Sigurbjörnsdóttir vildi skýringar á dagbókarfærslu lögreglunnar um Bjarna Benediktsson fjármálaráðherra sem var þáttakandi í sóttvarnabroti í Ásmundarsal.
Mun Halla Bergþóra hafa sagt að ástæðan væri sú að málið væri komið til stjórnskipunar- og eftirlitsnefndar Alþingis. Jóhann Bjarni vildi ná tali af Höllu Bergþóru áður en hún fór í útsendingu á Silfrinu. RÚV sagði frá þessu og birti myndband sem sýnir Höllu Bergþóru neita að tjá sig. „Ég er ekki hingað komin til þess,“ sagði hún og sýnir að hún er fljót að læra að forðast fjölmiðla. Eftir ítrekaða spurningu svaraði hún stuttlega og lokaði dyrunum að förðunarherberginu á nef fréttamannsins. Margir hafa áhuga á að sjá myndskeið af samskiptum við ráðherrann úr búkmyndavélum lögreglumanna í Ásmundarsal …