- Auglýsing -
Wuhan-kórónaveiran hefur nú greinst í Svíþjóð, en Sóttvarnastofnunin í Svíþjóð og heilbrigðisyfirvöld í Jönköping greindu frá því nú í dag.
Kona sem var nýlega á ferðalagi í Kína hefur verið sett í einangrun á Ryhov-sjúkrahúsi í Jönköping. Konan er þó ekki alvarlega veik samkvæmt tilkynningu Sóttvarnastofnunar.
RÚV greindi frá.
Í tilkynningunni segir að lítil hætta sé á því að Wuhan-kórónaveiran smitist manna á milli í Svíþjóð og heilbrigðisstarfsfólk sé vel í stakk búið til að bregðast rétt við þegar smit kemur upp.
Staðfest smit í Evrópu eru því orðin 17 talsins, tvö á Ítalíu, sex í Frakklandi, fimm í Þýskalandi, tvö í Bretlandi, eitt í Finnlandi og eitt í Svíþjóð.