Forsvarsmenn Boeing standa enn og aftur frammi fyrir vandamáli en brot og agnir hafa fundist í bensíntönkum nokkurra Boeing 737 Max véla. Þetta kom í ljós við skoðun þar sem vélarnar eru í geymslu eftir að hafa verið kyrrsettar.
Yfirmenn Boeing hafa tilkynnt starfsfólki um þessa niðurstöðu og segja málið „óásættanlegt”.
Óvíst er hvaða áhrif þessi fundur mun hafa á fyrirtækið en talsmaður Boeing segir að þetta muni ekki valda auknum töfum á því að vélarnar komist í umferð. Þessu er sagt frá á BBC. Þar segir að bandarísk flugmálayfirvöld fylgist nú náið með gangi mála eftir þessar nýju vendingar í málinu.
Áður hafi verið greint frá því að flugmálayfirvöld myndu mögulega hleypa Boeing 737 Max-þotunum sem hafa verið kyrrsettar í loftið í byrjun þessa árs.
Undanfarið hefur verið unnið að því að gera breytingar á MCAS-stýribúnaðinum eftir að vélarnar voru kyrrsettar af flugmálayfirvöldum víðs vegar um heim í mars í fyrra vegna tveggja mannskæðra flugslys í Indónesíu og Eþíópíu sem urði 346 manns að bana.