Einkastríð ráðherrans kostað af ríkinu

Lilja Alfreðsdóttir menntamálaráðherra er nú að upplifa stærsta áfallið á ´sinum pólitíska ferli. Málssókn hennar gegn Hafdísi Helgu Ólafsdóttur þykir flestum vera alvarlegt glappaskot. Ráðherrann varð uppvís að jafnréttisbroti með því að ráða flokksbróður sínn, Pál Magnússon, sem ráðuneytisstjóra og sniðganga þar með Hafdísi Helgu. Þá brá Lilja á það ráð að stefna umsækjandanum í von um að há úrskurðinum hnekkt. Undirréttur komst að þeirri niðurstöðu að ráðherrann hefði brotið jafnréttislög. Lilja ákvað þá að halda áfram með málið og áfrýjaði því. Allur málarekstur ráðherrans er á kostnað ríkisins og kostar himinháar upphæðir. Einhver hefði talið eðlilegt að hún greiddi fyrir herleiðangur sinn og einkastríðið gegn einstaklingnum í stað þess að nota almannafé. Lilja er afskaplega hæfileikarík sem stjórnmálmaður og býr yfir útgeislun.  Hún var lengi vel ein helsta vonarstjarna Framsóknarflokksins og margir vildu hana sem formann. Þetta mál hefur stórskaðað hana og þykir lýsa pólitískri blindu …