- Auglýsing -
Jarðskjálfti að stærðinni 4,6 reið yfir á Reykjanesi laust fyrir klukkan níu í morgun. Upptök hans voru við Sandfellshæð, skammt frá Þorbirni og nær Eldvörpum en áður, talsvert vestan við Fagradalsfjall sem hefur verið miðja atburðanna undanfarið. Með þessu færast upptök skjálftanna enn nær og vestur fyrir Grindavík og eru skammt frá Bláa lóninu.
Fremur rólegt var á yfirvofandi eldstöðvum á Reykjanesi í nótt. Hættulegasta fjall Íslands var í morgun baðað í sólroða en ekkert bólar enn á eldgosi þrátt fyrir skýr merki um að stutt sé í að hraun brjótist upp á yfirborðið. Stærsti skjálftinn í nótt var 3,1.
Talsverður ótti er á meðal fólks í Grindavík og hefur sumum ekki orðið svefnsamt undanfarnar nætur þegar mest hefur skolfið.