Fékk kvíðakast vegna Fréttablaðsins

Ragnar Þór Ingólfsson, formaður VR, fékk kvíðakast í útvarpsviðtali eftir að hafa gengið í gegnum miklar raunir vegna umfjöllunar Fréttablaðsins sem bendlaði hann við veiðiþjófnað. Ragnar Þór sagði frá þessu í viðtali við Sigurlaugu Margréti Jónasdóttur í þættinum Segðu mér á Rás 2. Fréttablaðið með ritstjórann Jón Þórisson í fararbroddi baðst ekki afsökunar á þjófnaðaráburðinum og vísaði til heimilda sinna um að Ragnar hefði átt aðild að málinu. Fæstir botna í því hvernig fríblaðið harðskeytta getur staðið á frétt sem búið er að hrekja af öllum málsaðilum. Einhverjir biðu eftir afsökunarbeiðni sem aldrei kom. Skýringin á aðgangshörkunni og forherðingunni kann að vera sú að blaðið er í eigu auðmanns með tengingu í lífeyrissjóðunum en Ragnar hefur verið óvæginn í garð þeirra sem telja sig eiga að stjórna flestu í landinu og leyfa sér að níðast á launþegum …