Páskaeggin dýrust í Nettó – VERÐKÖNNUN – Heimkaup ódýrast

Skoðaður var verðmunur á páskaeggjum hjá fjórum verslunum, Nettó, Krónunni, Bónus og Heimkaup. Verðmunurinn á páskaeggjum liggur frá 0,4 til 9,3 prósent. Heimkaup var oftast með lægsta verðið en Nettó  með hæsta verðið.

Í verðkönnun vikunnar skoðaði Mannlíf verð á páskaeggjum hjá fjórum verslunum. Krónunni, Bónus, Nettó og Heimkaup. Páskaeggin sem verðið var athugað á voru, Góu páskaegg nr 7, Freyju smartegg nr 9, Lindu Lindor egg, Nóa Sirius egg nr 6, Freyju djúpur sterkt, Nóa konfektegg og Freyju Rísegg nr 9. Ekki voru þrjú af eggjunum til á öllum stöðum. Sjá má þyngd allra eggjanna í töflu hér að neðan.

Heimkaup oftast með lægsta verðið en Nettó það hæsta

Heimkaup var með lægsta verðið í öllum tilfellum nema einu og áttu ekki til Lindor eggið. Nettó var með hæsta verð í öllum tilfellum og áttu ekki Freyju Smart eggið. Krónan var með hæsta verðið á Freyju Smart egginu og Bónus með lægstu verðin á Lindu Lindor egginu og Freyju Rís egginu. Góu egg nr 7 fannst ekki í verslununni. Eina verslunin sem átti öll eggin til var Krónan.

Allt upp í rúmlega 9 prósenta munur á verði

Góu egg nr.7: Nettó var með 8,9 prósent hærra verð en það lægsta sem er hjá Heimlaup.

 Freyju Smart dýr egg: Krónan var með 0,4 prósent hærra verð en það lægsta sem er hjá   Heimkaup.

 Lindor Lindu egg: Nettó var með 1,2 prósent hærra verð en það lægsta sem er hjá Bónus.

Nóa egg nr.6: Nettó var með  2,4 prósent hærra verð en það lægsta sem er hjá Heimkaup.

Freyju Djúpur sterkt: Nettó var með 1,5 prósent hærra verð en það er hjá Heimkaup.

Nóa konfekt egg: Nettó var með  9,3 prósent hærra verð en það lægsta sem er hjá   Heimkaup.

Freyju Rísegg nr.9: Nettó var með 2,5 prósent hærra verð en það lægsta sem er hjá Bónus.

Hér að neðan má sjá töflu með öllum upplýsingum.