Sláturtíð hjá Vinstri-grænum

Vinstri-grænir fengu 11 þingmenn kjörna árið 2017. Af þeim sem ekki urðu ráðherrar hafa nú tveir, Rósa Brynjólfsdóttir og Andrés Ingi Jónsson, gengið úr flokknum og þremur, Kolbeini Óttarssyni Proppé, Ólafi Þór Gunnarssyni og Bjarkey Olsen Gunnarsdóttur verið hafnað af grasrót flokksins í prófkjörum. Þeim tveimur starfsmönnum flokksforystunnar sem stukku í prófkjör var líka hafnað. Það er því sannkölluð sláturtíð í gangi hjá VG. Þetta er enn ekki búið því átök eru í Norðvesturkjördæmi þar sem Lilja Rafney Magnúsdóttir alþingismaður vill verða oddviti áfram. Bjarni Jónsson, fiskifræðingur og sveitarstjórnarmaður, í Skagafirði hefur skorað hana á hólm. Bjarni er sonur Jóns Bjarnasonar, fyrrverandi sjávarútvegsráðherra, vinsæll í héraði og ekki ólíklegt að hann leggi valkyrjuna frá Súgandafirði sem hefur það orð á sér að haga sér eins og framsóknarmaður og styðja hömlulítið fiskeldi í sjó og stórfelldar virkjanir á borð við Hvalárvirkjun …