Banna ónauðsynlegar ferðir erlendis og skikka á sóttkvíarhótel

Allir farþegar sem koma frá löndum þar sem nýgengi smita er meira en 1000 smit á hverja 100 þúsund íbúa er gert að fara í sóttkví á sóttkvíarhóteli.
Farþegar frá löndum með 750 smit á hverja 100 þúsund íbúa þurfa sömuleiðis að vera á sóttkvíarhóteli, en geta þó sótt um undanþágu að því gefnu að þeir geti sýnt fram á viðeigandi aðstæður heima fyrir.

Þetta kom fram á blaðamannafundi ríkisstjórnarinnar í Hörpu, sem boðað var til vegna landamæraðgerða.

Þar komu fram að gripið yrði til hertari aðgerða á landamærunum vegna Covid-19.

Einnig fær dóms­málaráðherra heim­ild til að banna ónauðsyn­leg­ar ferðir til og frá lönd­um þar sem ný­gengi smita er um­fram 1000 á hverja 100 þúsund íbúa.

Hol­land, Frakk­land, Pól­land og Ung­verja­land eru þau Evr­ópu­lönd sem eru með ný­gengi smita yfir 1000 á hverja 100 þúsund íbúa, sagði Katrín Jakobsdóttir forsætisráðherra í sam­tali við RÚV.

Svíþjóð, Frakkland og Pólland eru meðal þeirra landa í Evrópu þar sem nýgengi er yfir 750 á hverja 100 þúsund íbúa, samkvæmt vef sóttvarnarstofnunar í Evrópu.