Lækna- og skurðstofur Domus Medica verða lagðar niður í lok árs. Þar með loka um 70 sérfræðistofur ásamt því sem blóðrannsókn hættir sennilega um sama tíma. Húsið verður að sögn Jóns Gauta Jónssonar, framkvæmdarstjóra Domus Medica hf. væntanlega selt.
Í viðtali við Morgunblaðið segir Jón Gauti að tími sé kominn á gagngerar endurbætur á skurðstofum Domus en erfitt sé að koma höndum yfir þann vanda þar sem sjálfstætt starfandi sérfræðingum sé þröngur stakkur búinn. Þá segir framkvæmdarstjórinn jafnframt „íslenskt ráðherraræði“ hafa farið illa með lýðræðið, að ríkisvæðingastefna íslensku ríkisstjórnarinnar undanfarin fjögur ár í heilbrigðismálum byggi að hans mati ekki á þörfum sjúklinga. „Menn treysta sér ekki til að halda áfram í því ástandi sem hefur ríkt í stjórnun heilbrigðisþjónustunnar nokkuð lengi.“