- Auglýsing -
„Þetta er fyrsta skemmtiferðaskipið í tvö ár, síðast var skip í september 2019. Það er því mikil gleði að skipin séu farin að koma aftur,“ segir Sheng Ing Wang, hafnsögumaður á Ísafirði.
Hún segir að búast megi við 50-60 skipum í sumar sem er bylting frá síðasta sumri þegar ekkert skip kom.
Le dumont d‘urville er franskt lúxusskip sem er að koma til Ísafjarðar í fyrsta skipti. Í tilefni þess færði Sheng Ing Wang skipstjóra skipsins heiðursskjöld hafnarinnar.
Á Ísafirði var hið fegursta veður og nutu farþegar skipsins vel að ganga um bæinn og fara í skoðunarferðir, einkum í Dynjandisvog að sjá hinn tilkomumikla fannhvíta Fjallfoss hvar hann fellur freyðandi fram af fjallinu ofan við voginn.