Ökumaður sem lögregla stöðvaði vegna gruns um að hann væri ekki allsgáður tók á sprettinn undan lögreglunni. Lögreglumennirnir voru í nógu góðu formi til að hlaupa brotamanninn uppi. Kom þá daginn að hann var ekki með ökuréttindi.
Á öðrum stað og öðrum tíma stöðvuðu lögreglumenn bifreið í miðbænum. Tvennt var í bifreiðinni og neituðu bæði að hafa ekið. Þau voru í annarlegu ástandi og umsvifalaust handtekin, grunuð um akstur undir áhrifum fíkniefna. Þá er talið að þau hafi tekið bifreiðina ófrjálsri hendi. Þau voru læst inni í fangaklefa.
Þjófur í matvöruverslun var staðinn að verki. Lögregla náði tali af geranda og var málið afgreitt með vettvangsskýrslu.
Tilkynnt var um líkamsáras í austurborginni. Árásarmaðurinn lét ekki nægja að berja fórnarlambið heldur hirti af honum bifreiðina og flúði af vettvangi.
Aðili staðinn að þjófnaði úr verslun. Lögregla náði tali af manninum og var málið afgreitt með vettvangsskýrslu.
Um miðnætti varð vart við reiðhjólahjólaþjóf sem braut upp hjólageymslur. Lögreglan sýndi snörp viðbrögð og maðurinn var handtekinn skömmu seinna þar sem að hann var með tvö reiðhjól meðferðis. Auk þjófnaðarins þarf hann að svara fyrir eignaspjöll.
Kræfur ökumaðursem lögregla stöðvaði, framvísaði erlendiu ökuskírteini. Lögreglumenn grunaði að ökuskírteinið væri falsað. Ökumaður viðurkenndi að svo væri. Hann sætir kæru fyrir skjalafals og að aka án réttinda.
Annar ökumaður sem lenti í klóm lögreglu reyndist aldrei hafa öðlast ökuréttindi. Þá var hann á ótryggðri bifreið. Númetr voru klippt af bifreiðinni og ökumaður kærður fyrir að aka án ökuréttinda.