Brynjar Níelsson alþingismaður fór flatt í prófkjöri Sjálfstæðisflokksins og lýsti því strax yfir að hann væri þar með hættur. Kjósendur hefðu talað. En nú er Brynjar kominn með kalda fætur og óskar náðarsamlegast eftir því að fá að hætta við að hætta við. Af fullkominni auðmýkt vill hann nú taka sætið sem áður fól í sér niðurlægingu. Annar auðmjúkur tapari er Haraldur Benediktsson, alþingismaður og bændahöfðingi, sem sjálfstæðismenn í Norðvesturkjördæmi afgreiddu út af borðinu. Hann sagðist fyrirfram ekki una því að falla fyrir ráðherranum Þórdísi Kolbrúnu Reykjörð Gylfadóttur en sú varð raunin. Þá snérist honum hugur og hann skreið undir feld til að íhuga hvort ekki væru rétt að halda áfram, þótt hann sé kominn í aftursætið. Báðir hafa nú séð ljósið í ósigrum sínum …