Veitingastaðurinn Vefjan og eigendur staðarins hafa mikið verið í umræðunni upp á síðkastið. Fyrst í tengslum við annan eiganda hennar og Meetoo byltinguna eins og fram kom í frétt Mannlífs sem má sjá hér. En þá töldu eigendur Vefjunnar þau Sólveig Ýr Sigurjónsdóttir og Reynir Bergmann að verið væri að reyna að skemma fyrirtækið þeirra. Núna er það í tengslum við matinn á Vefjunni sem ekki hefur verið að fá góða dóma ef marka má fjölda manns á samfélagsmiðlum og hegðun eigenda staðarins inni á samfélagsmiðlum þegar fólk hefur sagt sína skoðun eða tjáð sína reynslu í tengslum við veitingastaðinn.
Dónaskapur og hroki
Margir minntust á það að hafa fengið hráan kjúkling í vefju og þar af var að minnsta kosti ein ófrísk kona sem sagði farir sínar ekki sléttar hvað varðaði þjónustuna hjá Vefjunni. Sett var meðal annars fyrirspurn inn hóp á Facebook sem heitir Matartips þess efnis hvort einhver hefði lent í því að fá hráan kjúkling hjá Vefjunni. Þar tjáði fólk sig og sagði frá sinni reynslu og eigendurnir hreinlega rifu kjaft við viðskiptavini sína og vændu þá nánast um lygar.
Hrár kjúklingur?
Einn notandi svaraði því til að sonur sinn hefði fengið matareitrun vegna réttar sem þau selja, kjúklingafröllur. Sólveig Ýr svaraði þessu svona:
„Já er það… fékk sonur þinn matareitrun af fröllunum hjá okkur ? Endilega sendu okkur læknisvottorð upp á þetta ef þetta var greint svoleiðis þegar að þú keyptir fröllurnar… þá væri líka ofboðslega gott að láta vita, hringja eða senda okkur póst og við hefðum að sjálfsögðu tekið á því. Höfum ekki fengið neina kvörtun yfir matareitrun af fröllunum hjá okkur. Við værum líklegast vör við það þar sem það er búið að seljast yfir tugi þúsunda kjúklingafranskar frá því við byrjuðum“
Þá svarar aðilinn sem sagði frá því að sonurinn hefði fengið matareitrun Sólveigu til baka með þessum orðum: „Ertu að rengja frásögn mína því ég er ekki með læknisvottorð ? Reynir fékk svo sannarlega að heyra af þessu og hann bara hummaði það fram af sér “
Það voru fleiri sem könnuðust við að hafa fengið hráan kjúkling hjá Vefjunni svo alls ekki var um eitt tilfelli að ræða. Margir sögðu að kjúklingurinn væri ógeðslegur ekkert nema fita og enn aðrir töluðu um að hafa fengið brjósk í vefjunni sinni.
Rifu kjaft og opinberuðu tölvupóst
Kona sem fékk afgreidda vitlausa vefju og sendi póst vegna þessa sem var svo hætt svara vogar sér að tjá sig um það. Eigandi bregður á það ráð að fara að rífast við konuna og birtir mynd af tölvupóstinum umrædda meðal annars.
„Klassa business menn, rífast líka við viðskiptavini sína á Facebook “ skrifar einn aðili undir færsluna sem nú hefur verið fjarlægð af síðu matartips.
Hér má sjá innlegg sem konan sett inn á annan hóp á Facebook eftir útreið eigandanna:
„Eru einhver námskeið eða eitthvað sem kennir fyrirtækjaeigendum að drulla ekki upp í sig í hvert skipti sem þeir eiga í samskiptum við viðskiptavini sem kvarta eða gagnrýna matinn sem kemur frá fyrirtækinu eða hegðun/framkomu eigenda á opnum miðlum? Er bara að spá fyrir nafnlausa eigendur hjá nafnlausu fyrirtæki annar eigandinn (sem sendi mér skilaboð að fyrra bragði) sagðist sko ætla að læra af því að hafa skitið upp í sig á Matartips þar sem hann m.a. birti öll tölvupóstasamskiptin við viðskiptavin sem kvartaði, en það skipti svo sem ekki máli því rúmlega klukkutíma seinna var meðeigandinn mættur til að taka við keflinu! Nei svona í alvöru, hvernig helst þessi búlla í business?! P.s. ég á fleiri skjáskot en bjóst ekki við að nokkur maður nennti að lesa í gegnum þau öll“.