RPM Records er nýtt fyrirtæki sem sérhæfir sig í framleiðslu á vínylplötum.
Guðmundur Örn Ísfeld hefur ásamt nokkrum vinum sínum, opnað í Kaupmannahöfn fyrirtæki sem sérhæfir sig í framleiðslu á vínylplötum.
„Við stefnum á að byggja lítið tónlistarævintýraland hér í Köben. Við erum nú þegar með vínylpressu, tvö stúdíó, æfingarhúsnæði og erum að vinna í því að setja upp tónleikaraðstöðu,“ segir Guðmundur en fyrirtækið, sem kallast RPM Records-vínylplötuframleiðsla, hefur þegar framleitt plötur fyrir listafólk eins og Magnús Þór Magnússon, Vicky, Andi, Fox Train Safari, D-A-D, Nelson Can, Lukas Graham, Lydmor, Nanook, Laid Back og fleiri.
Fyrirtækið fjárfesti nýverið í fullátómatískri vínylpressu sem hann segir að framleiði plötur í fullkomnum gæðum, hratt og með eins umhverfisvænum hætti og hægt er.
Hefðbundinn framleiðslutími sé aðeins 14 virkir dagar, en hægt sé að ná honum niður í 7 daga ef nauðsyn krefur.