- Auglýsing -
Tónlistarmaðurinn og íslandsvinurinn Damon Albarn vinnur nú að plötunni The Nearer The Fountain, More Pure The Stream Flows sem er öll innblásin af íslenskri náttúru.
Damon, sem flestir þekkja úr hljómsveitinni Blur, byrjaði að koma til Íslands á tíunda áratugnum.
Óhætt er að segja að Damon hafi fallið fyrir landi og þjóð því hann fjárfesti í fotláta einbýlishúsi í Grafarvogi og er tíður gestur hér á landi.
Titill plöturnar er fenginn úr ljóði eftir John Clare og mun platan vera afar persónuleg. Damon mun flytja plötuna í heild sinni á tónleikastaðnum Barbican í London þann 26. maí næstkomandi.
Nóg er um að vera hjá Damon því nýlega sendi hann frá sér plötuna Merrie Land með hljómsveitinni sinni The Good, The Bad & The Queen.
Hér fyrir neðan má sjá Damon Albarn og félaga hans úr The Good, The Bad & The Queen í nýlegu viðtalið við tónlistartímaritið NME.