JFDR í Iðnó
Tónlistarkonan Jófríður Ákadóttir, eða JFDR, fagnar útgáfu plötu sinnar New Dreams með veglegum útgáfutónleikum í Iðnó 13. mars. New Dreams er önnur sólóplata Jófríðar, sem gaf áður út Brazil árið 2017 en sú plata hlaut frábærar viðtökur á sínum tíma. Miðasala er hafin á Tix.is.
—–
Bubbi á einlægum nótum
Bubbi Morthens heldur hugljúfa tónleika á Valentínusardaginn 14. febrúar í Bæjarbíói, Hafnarfirði. Bubbi ætlar sér að vera á einlægum nótum, flytja ástarlög úr eigin smiðju og segja sögurnar sem liggja að baki sumum laganna. Einstök stund með einum ástsælasta tónlistarmanni þjóðarinnar. Húsið verður opnað klukkan 19.30. Tónleikarnir hefjast klukkan 20.30. Miðasala við innganginn.
—–
Útgáfutónlekar Hatara
Andkapítalíska hljómsveitin Hatari skilar af sér sinni fyrstu breiðskífu, Neyslutrans, í von um niðurrif síðkapítalismans og arð. Af því tilefni verður sveitin með útgáfutónleika í Austurbæ dagana 22. og 23. febrúar, en 18 ára aldurstakmark er á tónleikana 22. febrúar. Takmarkaður miðafjöldi er í boði. Nánar á tix.is.