Framsækið popp úr smiðju Flavor Fox

Þann 4. júní síðastliðinn sendi sveitin Flavor Fox frá sér sitt fyrsta lag, Pouring Rain. Sveitina skipa þeir Ævar Örn Sigurðsson (úr Zhrine), Höskuldur Eiríksson (úr Godchilla) og Stefán Laxdal (Ottoman), sem hafa allir verið virkir í íslensku tónlistarlífi.

Tríóið hefur að mestu varið tíma sínum í stúdíóinu að kanna ýmsar stefnur og strauma og er Pouring Rain frumraun hennar. Hvað stefnu varðar má segja að lagið sé framsækið popp, en sveitin sækir innblástur í nútímapopptónlist. Hægt er að hlýða á Pouring Rain á öllum helstu streymisveitum og á Albumm.is.