- Auglýsing -
Rapparinn Elli Grill sendi á miðvikudag frá sér myndband við brakandi ferskt lag sem kallast Nú koma jólin. „Jólin eru undur mannkynsins og mig langar til að hjálpa fólki andlega og gleðja Grýlu,” segir Ellii Grill, en að hans sögn minnir myndbandið „helst á Frank Sinatra í þriggja daga blakkáti.“
Elli Grill hefur verið mjög áberandi í íslensku rappsenunni að undanförnu en hann tók meðal annars þátt í Eurovision ásamt Skaða og Glym með laginu Jeijó, keyrum alla leið. Fyrr á þessu ári sendi grillarinn svo frá sér plötuna Rassa Bassi Vol 2 og hefur hún fengið glimrandi góðar viðtökur. Þess má geta að það eru þeir Rútur Skæringur Sigurjónsson og Sigurvin Eðvarðsson sem leikstýra myndbandinu við Nú koma jólin.