- Auglýsing -
Fríða Dís Guðmundsdóttir hefur tekið þátt í mörgum tónlistartengdum verkefnum en hóf nýlega að vinna að eigin efni sem mun koma út á fyrstu sólóplötu hennar sem ber vinnuheitið Myndaalbúm.
Tónlist Fríðu er í „modern retro“-stíl þar sem röddin fær að njóta sín í dreymandi hljóðheimi sem er drifinn áfram af hráum en þéttum bassaleik hennar sem á augljósar rætur að rekja til fyrstu áratuga rokksins.
Yrkisefnið er persónulegt þar sem hvert lag er unnið út frá ákveðinni minningu eða reynslu úr lífi Fríðu sem raðast saman líkt og ljósmyndir í albúmi.
Tónlistin er þannig römmuð inn á myndrænan hátt.