- Auglýsing -
September sendi nýverið frá sér lagið Just for a minute, sem er sungið af söngkonunni Brynju Mary. Síðast sendu September og Brynja Mary frá sér lag sem nefnist California og kom út í maí.
Brynja Mary Sverrisdóttir sem er aðeins sextán ára vakti athygli þegar hún tók þátt í Söngvakeppni 2020 með laginu Augun þín (In your eyes). September er skipað þeim Eyþóri Úlfari Þórissyni og Andra Þór Jónssyni sem hafa í gegnum tíðina unnið með listamönnum eins og Steinari, Jóni Jónssyni, Tómasi Welding, Birgittu Haukdal og Töru Mobee. Tara tók þátt í Söngvakeppni 2019 með laginu Betri án þín en þeir Eyþór og Andri sömdu það einmitt.