Lagið Remember er fyrsta lag hljómsveitarinnar SYSTIR og fjallar um samtakamátt kvenna, valdeflingu, samstöðu og samhljóm. Það fjallar m.a. um að rísa upp eftir áföll, losa sig undan höftum óttans og skína skærar, vera skýr og taka pláss. Lagið er tileinkað öllum systrum jarðar.
SYSTIR er samstarfsverkefni systranna Láru og Margrétar Rúnarsdætra. Þær hafa báðar getið sér gott orð innan tónlistarbransans en Lára hefur áður gefið út sex sólóplötur og fékk nýverið Íslensku tónlistarverðlaunin fyrir tónverk ársins í opnum flokki. Margrét hefur samið og gefið út tónlist með hljómsveitinni Himbrimi en plata þeirra Himbrimi hlaut lofsamlega dóma.
Lagið Remember unnu þær með Margréti Rán Magnúsdóttur úr hljómsveitinni VÖK og Arnari Guðjónssyni úr hljómsveitinni Warmland. Hægt er að hlusta á lagið á Albumm.is.