Það á enginn að deyja á kaldri götunni

Loftur Gunnarsson svaf á götunni þegar ekki var pláss í Gistiskýlinu. Hann lést 32 ára gamall úr magasári sem auðvelt hefði verið að meðhöndla. Á þeim tíma sem hann lést var ekki auðvelt fyrir utangarðsfólk að verða sér úti um fordómalausa læknisaðstoð. Loftur Gunnarsson hefði átt afmæli þann 11. september, hefði orðið 40 ára.

Að því tilefni og til þess að auka umræðuna um aðbúnað utangarðsfólks verður blásið til styrktartónleika þann 11. september í tónleikasal Hard Rock Cafe, Lækjargötu.

Húsið opnar klukkan 20 og er miðaverð 3.900 krónur. Miðasala fer fram á midi.is. Kynnir kvöldsins er Andri Freyr Viðarsson.