Spennandi tónlistar tengdir viðburðir á næstu dögum.
Elín Ey kemur fram á tónleikum í Röntgenstofunni á efri hæð Röntgen miðvikudagskvöldið 11. mars. Elín hefur verið áberandi í íslensku tónlistarsenunni um árabil, bæði með hljómsveitinni Sísí Ey og sem sólótónlistarmaður. Húsið verður opnað klukkan 20. Forsala á tix.is.
Fríða Dís í 12 Tónum
Fríða Dís, sem gaf nýverið út sína fyrstu sólóplötu, Myndaalbúm, hjá útgáfufyrirtækinu Smástirni, ætlar að vera á notalegu nótunum í versluninni 12 Tónum laugardaginn 7. mars. Tónleikarnir hefjast klukkan 21. Enginn aðgangseyrir.
Laser Life og DAVEETH á Gauknum
Laser Life og DAVEETH koma fram á tónleikum á Gauknum fimmtudaginn 12. mars. Frítt er inn á tónleikana en tekið verður á móti frjálsum framlögum sem verða nýtt í kaup á fleiri synthum. Tónleikarnir hefjast klukkan 22.