- Auglýsing -
Fimmtudaginn 9. maí mun hljómsveitin Umbra flytja norræn þjóðlög og sagnadansa ásamt Maríusöngvum og dönsum frá Katalóníu, nánar tiltekið úr handritinu Llibre vermell.
Umbra var stofnuð haustið 2014 og er skipuð fjórum atvinnutónlistarkonum. Sveitin gaf út tvær plötur hjá plötuútgáfunni Dimmu árið 2018; annars vegar plötuna Úr myrkinu, sem kom út í apríl 2018 og inniheldur forn lög úr evrópskum handritum sem tengjast dekkri hliðum mannlegrar tilveru, og hins vegar jólaplötuna Sólhvörf sem kom út í nóvember 2018.
Herlegheitin fara fram í Mengi og húsið opnar klukkan 20.30. Miðaverð er 2.500 krónur.