Maður á þrítugsaldri var dæmdur í þriggja mánaða skilorðsbundið fangelsi árið 2003 fyrir að ráðast á gamlan skólafélaga en DV greindi frá málinu.
Líkamsárásin átti sér stað á karlaklósetti á staðnum Glaumbar sem var staðsettur í miðbæ Reykjavíkur árið 2001. Samkvæmt DV hafi þeir verið góðir kunningjar áður fyrr en stirt hafi verið á milli þeirra þegar sá dæmdi heilsaði brotaþolanum með orðunum „sæll, litli tittur“. Samkvæmt vitnum byrjuðu mennirnir að rífast eftir það og ýta hvor öðrum. Sá dæmdi greip þá bjórkönnu og sló vin sinn í andlitið og sauma þurfti 32 spor.
Maðurinn neitaði sök og hafnaði því að hafa átt upphafið að slagsmálunum. Hann sagðist einnig hafa sjálfur skorist ill á hendi. Hann var sakfelldur en metið til bóta að hann hafði lokið áfengismeðferð eftir að málið kom upp. Maðurinn þurfti að borga brotaþolanum 360 þúsund krónur í miskabætur.