Fólk var ekki skemmt að sjá hakakrossinn hanga í Kringlunni árið 1995.
Árið 1995 fóru fram Hönnunardagar svokallaðir og í tilefni þess voru hengdir upp stórir borðar á vegum Félags íslenskra teiknara í Kringlunni. Einn borði vakti þó meiri athygli en aðrir og þar var Coke-merkinu stillt upp saman við hakakrossi og í textanum sem fylgdi með stóð: „Grafísk hönnun hefur sett mark sitt á 20. öldina.“
Vífilfell, sem sá þá um Coke-vörumerkið á Íslandi, var ekki hrifið af þessu og sendi bréf á framkvæmdastjóra Kringlunnar þar sem krafist var að borðinn yrði tekinn niður. Sem var gert. Hilmar Sigurðsson, formaður FÍT, sagði í samtali við Morgunpóstinn árið 1995 að ætlunin hafi aldrei verið að særa neinn heldur að benda á hvað grafísk hönnun hefur mikil áhrif í þjóðfélaginu. „Við erum jafnframt leið vegna þessara neikvæðu viðbragða og áreiti sem þessi fyrirtæki hafa orðið fyrir,“ sagði Hilmar. „Það er ljóst að við vorum að falast eftir viðbrögðum. En afstaða okkar skýrist í setningunni sem á borðanum stendur. Við erum að taka tvö þekktustu merki tuttugustu aldarinnar: Annað jákvætt og boðar ákveðna lífsstefnu í sínum auglýsingum, hitt neikvætt og tákn tíma sem fæstum fellur í geð.“