Uppnám varð í Bolungarvík árið 2003 þegar starfsmaður sundlaugar braut persónuverndarlög en DV fjallaði um málið árið 2004.
Forsaga málsins er sú að þrír drengir og ein stúlka brutust inn í sundlaug Bolungarvíkur sumarið 2003. Fór hópurinn í heitan pott og stunduðu unglingarnir hópkynlíf. Það náðist á upptöku á öryggismyndavélum laugarinnar. Daginn eftir skoðaði sundlaugarvörður upptökuna og sýndi fleira fólki hana.
Þetta spurðist út í bænum og í framhaldi þessi kærði móðir eins unglingsins málið til Persónuverndar og vildi að myndbandinu yrði eytt. Persónuvernd úrskurðaði að miðlum mynda úr kynlífsathöfninni til óviðkomandi aðila hafi verið ólögleg.
„Við skoðuðum málið á sínum tíma en ákváðum að kæra ekki,“ sagði Gunnar Hallsson, forstöðumaður Sundlaugar Bolungarvíkur, um innbrotið á svæði sundlaugarinnar við DV.
„Við fórum ofan í okkar innri mál og bættum það sem þurfti að bæta og málinu er lokið,“ sagði Gunnar um úrskurð Persónuverndar.