„Mér finnast þetta fáránleg vinnubrögð og ég er mjög fúl út í lögregluna út af þessu. Ég fann mikinn verk í hálsinum og bað lögreglumennina að skutla mér heim eða á spítalann. Þeir sögðust þurfa að fara í annað útkall og ekki hafa tíma til að fara með mig á spítalann. Þeir sögðu við mig að ég gæti bara tekið strætó. Á endanum keyrði bílstjórinn á kranabílnum mig heim og þaðan fór ég á spítalann,“ sagði Áslaug Hulda Jónsdóttir, tvítugur Garðbæingur, við DV árið 1996.
Þá hafði Áslaug lent í því að jeppa hafði verið keyrt aftan á bíl hennar þegar var stopp á rauðu ljósi á Suðurlandsbraut og var bíllinn metin ónýtur eftir áreksturinn en um var ræða Daihatsu bifreið. Áslaug tognaði illa í hálsi og var heila dag í rannsóknum á sjúkrahúsi eftir slysið.
„Þetta var gríðarlegt högg en sem betur fer var ég í bílbelti. Vitni sögðu að hann hefði verið á yfir 100 kílómetra hraða þegar hann keyrði á minn bil kyrrstæðan. Ég fékk mikið sjokk og fann slæman verk í hálsinum og sagði lögreglunni frá því, en það var greinilega ekki nóg til að þeir keyrðu mig á sjúkrahús. Ég er búin að missa vinnu út af þessu alla helgina og ef þetta verður þrálátt, sem það gæti orðið, mun ég fara í skaðabótamál við þann sem keyrði á mig,“ sagði Áslaug að lokum.