20 ára starfsmaður sem vann við Bindindismótið í Galtalækjarskógi árið 1992 var rekinn.
Starfsmaðurinn hafði verið grunaður árið áður að hafa tekið vín af gestum fyrir sjálfan sig en ekki tókst að sanna það. Hann hélt þá starfi sínu á hátíðinni árið eftir en greint var frá þessu í DV. Gestir höfðu einnig kvartað undan framkomu starfsmannsins en samstarfsmenn höfðu sömuleiðis kvartað undan hegðun hans árið á undan. Málinu var að sögn mótshaldara lokið með að þeirra hálfu.
Í sömu frétt er greint frá því að annar starfsmaður hafi veirð rekinn en sá lét ungling fá passa og búning sinn til afnota en unglingurinn var þekktur á svæðinu fyrir að hafa orðið til vandræða. Lögreglan var hins vegar fljót að vera kennsl á hann á svæðinu og var því ráðabruggið upplýst frekar fljótt
Ólafur B. Jónsson, mótsstjóri í Galtalæk, sagði í samtali við DV að óvenjumikið áfengismagn hefði verið tekið af mótsgestum. „Þar afleiðandi var ölvun lítil sem engin á svæðinu,“ en lögreglan lagði hald á sjö kassa af bjór og tíu kassa af sterku víni og var því svo hellt niður á lokum.