John Dewitt var laminn á Flateyri árið 1993.
„Ég var að tala við vini mína á salerninu á Vagninum á Flateyri og við vorum eitthvað að fíflast. Áður en ég vissi af fékk ég högg í andlitið. Ég spurði náungann hvers vegna hann hefði gert þetta en hann muldraði eitthvað óskiljanlegt. Það var engin sýnileg ástæða fyrir því aö hann lemdi mig. Ég þekki árásarmanninn en hef aldrei lent í neinum vandræðum með hann áður. Ég þekki t.d. bróður hans mjög vel,“ sagði John Dewitt í samtali við DV árið 1993.
John var í framhaldinu fluttur á Borgarspítalann en þá kom í ljós að hann tvíkjálkabrotnaði við höggið. John árið 1993 búið á Íslandi í tvö og hálft ár og líkað vel við þjóð og land en hann bjó á Flateyri þegar árásin átti sér stað. Árásamaðurinn var sagður verða góðkunningi lögreglu bæjarins sem hafi ítrekað kýlt annað fólk á kjammann.
„Ég ætla að kæra þetta. Þetta breytir ekki því að mér likar vel á Íslandi og ég fer aftur að vinna eftir viku. Kjálkinn á mér er tvíbrotinn og augað illa farið en læknarnir vita ekki nákvæmlega hversu langur tími líður þangað til ég verð orðinn alveg góður. Þetta var að sjálfsögðu mjög sársaukafullt en ég hef alls enga tilfinningu í þessu núna vegna lyfjanna.“