Hjónin Magnús Geir Þórðarson og Ingibjörg Ösp Stefánsdóttir eru búin að setja hús sitt að Birkigrund 49 í Kópavogi á sölu. Um er að ræða tíu herbergja hús, þar af sex svefnherbergi og tvær stofur, og er ásett verð 125 milljónir króna.
Húsið telur 286 fermetra og er búið þremur baðherbergjum. Er því ljóst að húsið hentar einkar vel stórum fjölskyldum, enda stutt í skóla og leikskóla.
Heimilið var tekið í gegn að innan fyrir fimm árum síðan en breytingarnar voru hannaðar af hinum vinsæla innanhúsarkitekt Rut Káradóttur.
Á neðstu hæð í húsinu er búið að koma fyrir sjónvarpsherbergi, baðherbergi og tveimur stórum svefnherbergjum, en sérinngangur er á þá hæð og því hægt að búa þar til séríbúð.
Planið fyrir framan húsið er upphitað og garðurinn er vel hirtur og fallegur. Svo ekki sé talað um nágrennið, en húsið er staðsett steinsnar frá Fossvogsdalnum, Kópavogsmegin, sem er vinsæl útivistarparadís. Hér fyrir neðan má sjá fleiri myndir af eigninni:
