Fimmtán starfsmönnum Árvakurs, sem m.a. gefur út Morgunblaðið og heldur úti mbl.is, hefur verið sagt upp störfum. Þetta staðfesti Guðmundur Sv. Hermannsson, fréttastjóri á Morgunblaðinu, í samtali við Fréttablaðið.
Meðal þeirra sem sagt var upp voru Anna Lilja Þórisdóttir, blaðamaður á mbl.is og fyrrverandi aðstoðarfréttastjóri á Morgunblaðinu, og Anna Sigríður Einarsdóttir, blaðamaður mbl.is. Þá greinir Vísir frá því að Emilíu Björnsdóttur, yfirmanni ljósmyndadeildar, hafi verið sat upp en hún hafi starfað á Morgunblaðinu frá 1974.
Blaðamenn mbl.is sendu frá sér yfirlýsingar á dögunum þar sem þeir lýstu vonbrigðum með meint verkfallsbrot samstarfsmanna sinna og lausapenna, sem skrifuðu fréttir sem birtust á vefnum á meðan verkfallsaðgerðir stóðu yfir. Brotin voru kærð til félagsdóms.
Anna Lilja og Anna Sigríður voru meðal þeirra sem skrifuðu undir yfirlýsingarnar.