40% íslenskra kvenna sem stunda golf eru með undir 25 í forgjöf en 65% íslenskra karla. Aðeins 4% kylfinga eru með 5 eða minna í forgjöf en felstir með 15 eða meira.
Þetta er meðal niðurstaða rannsóknar sem Gallup vann fyrir Golfsamband Íslands en þær voru kynntar á Golfþingi 2019. Markmið rannsóknarinnar var að skoða viðhorf kylfinga til ýmissa þátta er varða golfiðkun og þróunina í íþróttinni en úrtakið var unnið úr félagaskrá og taldi 5.746 einstaklinga.
Frá þessu er greint á golf.is.
1.899 tóku þátt í könnuninni og sögðust 9% spila 5 sinnum í viku eða oftar, á þeim árstíma þegar það væri hægt. Flestir sögðust spila 1-2 sinnum í viku eða 39% og 35% 3-4 sinnum í viku.
75% svarenda sögðust vilja að aðild klúbba væri háttað eins og nú er, þ.e. að greitt væri árgjald en 21% vildi greiða lægra árgjald og fyrir hvern hring. 65% sögðust myndu mæla með sínum klúbbi við aðra en 12% sögðust síður myndu gera það.
Könnunin var afar umfangsmikil og heildarniðurstöður má finna á golf.is.