Á ofsahraða innanbæjar og fleiri mál

Meira en 100 mál voru skráð í dag­bók lög­regl­unn­ar á höfuðborg­ar­svæðinu á milli 17 í gær og 5 í morg­un.

Voru 7 einstaklingar vistaðir í fanga­gklefa á því tíma­bili.

Um klukk­an fjög­ur í nótt var til­kynnt um konu í ann­ar­legu ástandi á veit­ingastað í miðbæn­um; hún var tekin höndum – grunuð um brot á lög­reglu­samþykkt; vistuð sök­um ástands í fanga­geymslu.

Hafði lög­regla af­skipti af að átta öku­mönn­um í gær sem grunaðir eru um akst­ur und­ir áhrif­um vímu­efna.

Fór­ir öku­menn voru stoppaðir eft­ir að hafa keyrt á yfir 100 kílómetra hraða inn­an­bæjar; Ein bif­reiðin var stöðvuð í Ártúns­brekk­unni á 121 kílómetra hraða þar sem há­marks­hraði er 80 kílómetrar. Játaði ökumaður brotið; vett­vangs­skýrsla rituð.

17 ára ökumaður var gómaður á 110 kílómetra hraða á götu þar sem há­marks­hraði er 50 kílómetrar. Sterk­a áfeng­isstybbu lagði frá vit­um öku­manns; áfeng­is­mæl­ir lög­reglu sýndi þó mæl­ingu und­ir refsi­mörk­um seg­ir í dag­bók­inni. Var það mál unnið með aðkomu móður öku­manns; verður til­kynn­ing send til barna­vernd­ar.

Um klukk­an eitt í nótt hafði lög­regla af­skipti af þrem­ur mönn­um í Hafnar­f­irði sem eru grunaðir um vörslu fíkni­efna; var vett­vangs­skýrsla skrifuð og efn­in hald­lögð.