María Rut Kristindóttir er ein margra sem gagnrýnir Viðskiptablaðið fyrir nafnlausan pistil þar sem Greta Thunberg, sænska stúlkan sem hefur barist í loftslagsmálum, er gagnrýnd og vakin athygli á því að hún er einhverf. Mannlíf tók saman nokkrar sleggjur liðinnar viku.
„Ósmekklegt. Og að blanda einhverfu í þetta er út í hött … Og já umhverfismál snúast ekki um vinstri-hægri pólitík. Heldur eitthvað sem við öll eigum að láta okkur varða.“
Maríta Rut Kristinsdóttir, aðstoðarmaður Þorgerðar Katrínar Gunnarsdóttur, formanns Viðreisnar.
„Árið er 2019. Karlar (og nokkrar konur reyndar líka, furðulegt nokk) á hinu háa Alþingi efast í alvöru talað um að konur eigi að hafa fullt forræði yfir eigin líkama. Hvað í fjandanum á það að þýða? Hversu fornaldarlegar hugmyndir hefur þetta fólk um lífið og tilveruna?“
Kristín Jónsdóttir, femínisti og Parísardama, líkaði ekki mótstaða ákveðinna þingmanna gegn frumvarpi um þungunarorf, sem var samþykkt í vikunni.
„Með skrílslátum og húrrahrópum af pöllum, eins og á vel heppnuðum fótboltaleik en ekki atkvæðagreiðslu sem varðar líf og dauða ófæddra barna, var gengið frá þungunarrofsfrumvarpinu í þinginu.“
Ólína Þorvarðardóttir.
„Hefði sjálf stutt það að hafa engin tímamörk.“
Katrín Jakobsdóttir forsætisráðherra um frumvarpið.
„Þetta minnir því miður mjög á áróðurinn sem var hafður uppi í Icesave-málinu, þar sem átti að kúga okkur til hlýðni og margir stjórnmálamenn létu blekkjast.
Guðni Ágústsson leggst á móti innleiðingu Þriðja orkupakkans.
„Við hvað erum við hrædd?“
Sigmundur Davíð Gunnlaugsson segir landsmenn ekki eiga að veigra sér við að taka mál orkupakkans aftur upp á vettvangi sameiginlegu EES-nefndarinnar sem eigi að miðla málum og komast að viðunnandi niðurstöðu fyrir alla.
„SKRIFAÐU UNDIR OG ÞEGIÐU eru skilaboðin frá meirihlutanum til okkar í minnihlutanum.“
Kolbrún Baldursdóttir, oddviti Flokks fólksins, ætlar ekki skrifa undir ársreikninga Reykjavíkurborgar nema að settum skilyrðum.
„Yfirstjórn Ríkisútvarpsins hefur, með því að vilja ekki axla siðferðilega ábyrgð og standa með þjáðu og kúguðu fólki, fórnarlömbum skelfilegs glæps, gert okkur að vissu leyti samsek í hneykslinu sem keppnin er í ár.“
Sólveig Anna Jónsdóttir, formaður Eflingar um Eurovision.
„Ég verð líklega dæmdur landráðamaður fyrir vikið en ég spái því að Hatari taki 9. sætið með sér frá Tel Aviv.“
Einar Bárðarson athafnamaður.